Pyaar Ke Pehle Nazar Ko Salaam

**diipendu** · by **diipendu** on 1/6/2009, 2:48 am

First topic message reminder :

Pyaar Ke Pehle Nazar Ko Salaam [size=25]| Mon-Fri[/size]

One of the most classic eternal tale of 'arnab and piya'. Two diffrent souls, diffrent thinkers. Piya living in her black&white world and she believes that love is meaningless and doesn't exist. But Arnab can spread happiness everywhere, with his charm and his full of life nature. Story will journey through every critical and difficult times. Will arnab be able to bring colours of love and happiness in piya's life? Or their fate has written somthing else for them?...
___________

CAST:

Hiten Tejwani as Arnab Basu
Gauri Pradhan Tejwani as Piya Rai

Rest other characters are co-incidential and imaginative.

__________

Credit:

Concept - Diipendu Dutta

Produced and Story direction By - Diipendu Dutta

Pictures By - S-Creations

Lyrics By - Diipendu Dutta

Arts By - Diipendu Dutta

Creative Head - Diipendu Dutta

Production Group - S-Creation Productions

___

__________________

**diipendu** · by **diipendu** on 15/8/2009, 3:53 am

**diipendu** · by **diipendu** on 15/8/2009, 3:53 am

Pyaar Ke Pehle Nazar Ko Salaam: Piya's Theme(1.0) ...

__________________

**BLH** · by **BLH** on 18/8/2009, 8:25 pm

nice episodes as well as so nice logos. clap

hope arnab will enter soon.. Smile

**diipendu** · by **diipendu** on 19/8/2009, 7:37 am

Episode 6

Choti-kaki: piya, ghar mein shaadi ki tyaariyaan chal rahey hain aur aise mein tujhe tou pata hi hai ke ghar mein kisi ke paas, zara sa bhi time nahi hai.... Maine drishti ke liye ek pooja karavi thi, aur pooja ki kuch cheezein wahin reh gayin hain.....

Choti-kaki: ek bahut badey panditji hain.... Loug unhe bahut maante hain, aur kuch loug tou yeh bhi kehte hain ke panditji ke paas anokhi shaktiyaan bhi hain jinse woh logon ki saare dukh aur samasya door kar dete hain.... Kya tu please unke paas jaakar, woh pooja ke kuch saaman jo reh gayye hain woh lekar aogi??? Aur haan, tum apne saath naina ko bhi ley jaana... Raaste se lout-te waqt, kuch zaroori shopping karni hain, maine woh list naina ko dey dia hai... Woh aur tum milkar please sab saaman jaldi se lekar aana...

Piya: je kaki...

Choti-kaki: aur haan, dhyaan rakhna koi bhi cheez tootne naa paaye....

-------------

Naina aur Piya ghar se nikalne hii waale houte hain ke tabhi baarish shuru hou jaati hai.

Naina: lo! Ab tou baarish bhi shuru gayi hai.... Ab tou jaana mushkil hai.

Piya ke paas do umbrellas hain, aur phir dono mandir ke liye nikal jaate hain.

Raaste mein jaate waqt baarish bahut dheeme hou jaati hai aur phirfinally baarish ekdum se rukk jaati hai. Aur tab mein piya aur naina, mandir bhi pahuch jaate hain.

Piya: naina, pehle tou hamey kaki ne jin chizon ke shopping ke liye hamey list dia tha, hamey pehle wahi karna chahiye tha...

Naina: it's okay dii! Hum baad mein mandir se waapas ghar ke taraf jaate waqt shopping kar lenge...
---------

Piya aur Naina mandir ke baahar bhagwaan ko pranaam karte hain, aur phir mandir ke andar jaate hain. Piya ke mann mein abhi bhi oski behen 'Drishti' ki baatein chal rahi thi.

[size=16]Mandir mein chote-purohit(pandit ji) naina aur piya ko kehte hain ke mandir ke jo pandit jii hain, unhe kuch kaam se baahar jana pada hai. Esiliye unke loutne tak piya aur drishti ko wahin intezaar karna hoga. [/size]

Piya: naina, chal phir jabtak pandit ji nahi aajaate hain, tab tak mein humlog kaki ke diye gayye saaman ko ley aate hain... Tab tak mein shayad pandit-ji bhi aajaye???

Tabhi mandir ke andar se ek awaaz aati hai.

_____

__________________

**diipendu** · by **diipendu** on 19/8/2009, 7:38 am

Episode 6---Continues---

Piya: naina, chal phir jabtak pandit ji nahi aajaate hain, tab tak mein humlog kaki ke diye gayye saaman ko ley aate hain... Tab tak mein shayad pandit-ji bhi aajaye???

Tabhi mandir ke andar se ek awaaz aati hai.

Piya aur Naina jaakar dekhte hain ke woh, kiski awaaz thi, tab pata chalta hai ke wahaan wahi pandit-ji beithe thhey.

Naina: pandit aap??? Magar aap toh?...

Pandit-ji: haan, maine hi kehlvaya tha ke main yehaan nahi hoon...

Naina: panditji, actually yehaan kuch chizein oosdin reh gayin thi...
Panditji naina ko woh pooja ke saaman dete hain aur woh jab dekhte hain piya kahin khoyi hui si thi.

Naina: panditji waise maine suna hai ke aapko raashi dekhna ata hai??? Kya aap mera haath padhkar bata sakte hain ke mere future mein kya hai???

Piya: naina, please bachho ke tarah zidd karna chodo. Panditji ko tum disturb kar rahi hou...

Naina: please panditji, aap bataiye na!?

Naina Piya ko bhi wahaan beithakar, pandit-ji ko poochte hue-

Naina: panditji, yeh meri behen hai jo bahut strict hai! Aap please kam se kam mera nahi tou eeske future ke baare mein kuch bata dijiye???

Pandit ji ne jab Piya ke taraf dhyaan se dekha, tou unhe "Piya" ke baare mein sab samajh mein agaya tha.

Tabhi naina ke cellphone par, kaki ka phone aata hai. Naina phone recieve karti hai magar wahaan mandir mein koi signal nahi milta hai, tou woh baahar ke taraf jaakar baat karti hai.

-------

Eedhar Pandit-ji, ko piya ke future ke baare mein kuch baatein pata chal gayye.

Pandit-ji: tumhare ees soch ko badalne ekdin woh zaroor tumhare zindagi mein ayega... Aaj tum jis 'pyaar' par vishwaas nahi karti hou, ekdin woh khud tumhe ees 'pyaar' par vishwaas karna sikhayega... Aur osdin tumhe khud hi yakeen nahi hoga ke kab, kaise tumhe pyaar hou gaya...

Piya yeh dekhkar chauk jaati hai, magar phir bhi, pandit ji ke baatein, Piya par bahut assar kar rahin thii...

Pandit-ji: oos din tum khud bhaagogi, oos pyaar ke peechey! Dekh lena... Aaj tumhe jo baatein jhoothi lagg rahin hain, kal ko tum onhi baaton ko jeeogi aur jaan jaogi!

Pandit-ji: tumhare ees yakeen ko woh zaroor badal dega, kyunki ab woh tumhari zindagi mein dastak, bas dene hii wala hai! Ab toh kismat khud tumdono ko ekdusre se milvayegi, piya...

Pandit-ji ke baaton ko sunnkarr Piya wahaan se chali jaati hai.

**aanchal** · by **aanchal** on 19/8/2009, 9:24 am

wow ab arnab ki entry hogi. plz post the next episode soon

**diipendu** · by **diipendu** on 20/8/2009, 10:13 pm

Hiten(character of Arnab) will soon enter in this story. But presently story is focusing on Piya's character. Including Arnab's entry, but there is a big twist in this plot.

**gayathri087** · by **gayathri087** on 21/8/2009, 12:58 am

ooh okk ,,,,

**diipendu** · by **diipendu** on 27/8/2009, 6:52 am

Episode 7

Raaste mein jaate hue, Naina Piya ko shopping ke baare mein bata rahi thi.

[size=16]Magar Piya, pandit-ji ke baaton ko soch rahi thi. Naina dekhti hai ke Piya kuch soch rahi hai, tabhi woh Piya se poochti hai-[/size]

Naina: piya-dii! Aapka dhyaan kahaan??? Main aapko kitney deyr se kuch keh rahi hoon aur aap hain ke...

Piya: ohh, iam sorry... Haan toh batao, tum kya keh rahi thi???
Naina phirse apne shopping kii baatein Piya ko batati hai, magar Piya ke mann mein sawaal uthh rahey thhey ke "Akhir pandit-ji ke baaton ka kya matlab hou sakta hai??? Aakhir pandit-ji mujhe kya bataana chaah rahe thhey?......."

Piya aur Naina ghar ke taraf jaa hii rahey houte hain ke jaate hue Naina ki nazar, ghar ke paas waale khaai ke taraf padti hai. Naina jaldi se Piya ko udhar dekhne ko kehti hai, magar Naina kii awaaz piya tak kaise pahuchti kyunki,'"ghum sawaalon mein khoyi"' [size=16]piya abhi bhi mandir waali baat ko lekar soch rahi thii...[/size]

Tabhi sochte hue, oos paas-waale, badey se khaai par, Piya ki nazar padd jaati hai.

Naina: dii, kya hum oos khaai ko dekhne ke liye, ek baar, sirf ek baar paas se jaakar dekh sakte hain???

Piya: nahi!

Naina: dii please??? ( Naina Piya se bahut request karti hai.)

Piya: bilkul bhi nahi! Agar kahin ek baar galti se payr fissal gaya, toh oos khaayi mein jaane se koi bhi nahi bacha sakta... Yehaan tak ke, yeh khaai itana ghehra hai ke bhagwaan bhi aakar nahi bacha payenge... Aur maine tumhe wahaan jaane se mana kar dia toh bas!

[size=21][ Naina, Piya ke baaton se upset houkar, wahaan se gusse se ghar ke taraf aagey-aagey chali jaate hai. ][/size]

Naina: ( mann mein bolte hue ) piya-dii hamesha, itani rudely behave karti hai, itana strict! Oof!!! Piya-dii ko toh kabhi pyaar se kisi chiz ke liye "NA" kehna bhi mushkil lagta hoga...

_____

__________________

**diipendu** · by **diipendu** on 14/9/2009, 12:31 am

Pyaar Ke Pehle Nazar Ko Salaam: Avi 1.0

Click this link
http://www.zshare.net/image/65514272247501a6/

to watch the Avi-1.0
of
'Pyaar Ke Pehle Nazar Ko Salaam'

http://www.zshare.net/image/65514272247501a6/

**BLH** · by **BLH** on 14/9/2009, 8:07 pm

VRY NICE:)

**diipendu** · by **diipendu** on 15/9/2009, 4:37 am

Episode 8

Piya aur Naina ghar ke taraf jaa rahey houte hain.

[size=16]Tabhi Naina ko kuch yaad ata hai ke, 2 saal pehle Piya london ke ek university se apne studies complete karke india wapas louti thi, oos waqt ke baatein woh Piya se poochti hai---[/size]

Naina: waise dii, 2 saal pehle aap jab london se apne studies complete karke india louti thi wahaan par sab kaisa tha???

[ Jab Piya Naina se yeh sawaal sunti hai, tabhi osey kuch yaad ajata hai. ]

Piya wapas oon yaadon se baahar aakar Naina ke sawaal ka jawaab deti hai.

Piya: wahaan par loug anjaane thhey.... Mujhe india kii bahut aati thi.... Wahaan baba, dadoo, kaka aur kaki-ma ki bahut yaad ati thi....

Naina: tou kya wahaan apke koi dost baney???

Piya: haan, magar bahut kam.... Ab tumhe toh pata hii hai, ke mujhe kam baat karna pasand hai..... Shayad esi wajah se wahaan dost bhi kam baney...

>Tabhi Naina ek aur sawaal poochti hai>>>

Naina: koi special dost bana wahaan??? I mean, kya apko kisi se pyaar hua???

>Piya Naina ko daat tey hue oske taraf gusse se dekhkar boli---

Piya: Naina! Aisa kuch bhi nahi hua.... Ab chal jaldi se ghar, warna kaki-ma bahut daat lagayegi..... Aur haan! Aaj tou mama aur maami bhi arahey hain....

Maami ke aane ke baat ko sunkarr, Naina ka chehra utar jata hai... "Maami arahi hai, ab tou ghar mein phirse zaroor koi naya tension hoga! I hope yeh shaadi theek tarah se nipat jaaye, warna maami tou harr baat ko bada bana deti hai......... "

_____________________

Piya aur Naina, ghar pahuch jaate hain. Ghar mein shaadi ki tyaari chal rahi thi. Piya wahaan se apne room mein chali jaati hai.

Piya ko bahut bura lagg raha tha ke oski behen kii shaadi hai, aur aise mein osne apni behen ko udaas kar diya hai. Piya wahaan se baahar, fountain ke paas chali jaati hai.

Udaas aur gumsum sii Piya, fountain ke paas beithi thi. Piya ki aankhein namm thhey...

**aanchal** · by **aanchal** on 15/9/2009, 1:44 pm

hmmm. grt work diipendu. awsum avi
i think ab arnab ki entry hogi...

**diipendu** · by **diipendu** on 17/11/2009, 6:36 pm

**diipendu** · by **diipendu** on 17/11/2009, 6:38 pm

Episode 9

Udaas aur gumsum sii Piya, fountain ke paas beithi thi. Piya ki aankhein namm thhey...

[size=21]Tabhi Naina wahaan ati hai yeh bataane ke liye ke kisi ka phone aya hai.[/size]

Piya jaakar phone recieve karti hai, magar saamne se kisi ka jawaab nahi ata hai. Piya phone rakh deti hai.

Piya apne gumsun mann ke saath, apne room mein chali jaati hai.

Naina apna laptop lekar Piya ke room mein aati hai. Piya apne room mein udaas beithi thi.

Naina: "arre dii aap udaas kyun hou???"

Piya: ( gusse se bolti hai ) "Naina tu jaa abhi yehaan se! Mujhe kisi koi baat nahi karni hai........"

Naina: "arre dii main tou bas aapko kisi se milvana chahti thi........"

Piya: "kisi se???...... Kaun?"

Naina: "woh internet par ek social website hai, jahaan aap friends bana sakte hain..... Unse baatein kar sakte hain..... Aap dekhna chahengii???"

Piya: "Naina! Tu jaa yehaan se!......... Maine kaha na ke mujhe kisi se koi baat nahi karni hai...... Aur tera yeh fizool kii baatein tu mere saamne mat kiya kar!"

Naina: "theek hai.... theek hai..... Magar ekbaar aap dekh tou lo, dekhne ke baad main aapke room se chali jaungi.... Promise!"

>>>>>>>>>>>>>>>>>>>>>>>>>>>>>>>>>>>>>>>>>>>>>

Tabhi ghar mein landline phone phirse bajta hai. Bahut deyr se phone bajj raha tha magar koi bhi phone nahi utha raha tha, tou aise mein 'Malini'(Kaki-ma) wahaan se guzar rahi thi, unhoune dekha ke phone bajj raha tha magar wahaan koi maujood nahi tha recieve karne ke liye...

Kaki-ma ne phone uthaya aur "Hello" kaha. Tabhi pata chala ke jisne kuch hii deyr pehle phone kia tha, aur Piya ne phone recieve kia, magar koi jawaab na aane ke wajah se piya ne phone rakh dia tha, yehi woh shaks tha.

w][size=21]Kaki-ma ees shaks ko bahut achhe se jaanti thi, kyunki Mami(Kajol) ne Piya ke liye ek achha rishta dekha hai. Aur Mami(Kajol) ne ees shaks ko Piya ke ghar ka number dia ke woh yehaan contact karey... Ees baare mein Kaki-ma ko Mami(Kajol) ne pehle hii phone karke bata dia tha, magar eske baare mein Piya ko, aur ghar mein kisi ko kuch bhi pata na tha. ] [/size]

______

**diipendu** · by **diipendu** on 17/11/2009, 6:41 pm

Episode 10

Kaki-ma ne phone uthaya aur "Hello" kaha. Tabhi pata chala ke jisne kuch hii deyr pehle phone kia tha, aur Piya ne phone recieve kia, magar koi jawaab na aane ke wajah se piya ne phone rakh dia tha, yehi woh shaks tha.

[ [size=16]Kaki-ma ees shaks ko bahut achhe se jaanti thi, kyunki Mami(Kajol) ne Piya ke liye ek achha rishta dekha hai. Aur Mami(Kajol) ne ees shaks ko Piya ke ghar ka number dia ke woh yehaan contact karey... Ees baare mein Kaki-ma ko Mami(Kajol) ne pehle hii phone karke bata dia tha, magar eske baare mein Piya ko, aur ghar mein kisi ko kuch bhi pata na tha. ] [/size]

Udhar Naina, Piya ko apne laptop mein internet par ek social networking site dekha rahi thi.

Naina ne Piya ka ek account oos site par bana dia.

Piya: "Naina! Mujhe yeh site join nahi karna hai..... Tou tumne kyun mera account banaya yehaan?..... Abhi ke abhi tum ees account ko delete karo!"

Naina: "arre dii, maine apka account temporarily banaya hai..... Aur yehaan mere kuch college friends bhi hain, jinse main apko milvana chahti hoon...... Please dii???"

Naina Piya ko bahut insist karti hai ke woh ees site ko join kar ley. Aur akhir mein Piya maan jaati hai.

Piya: ( mann mein sochte hue ) "Khudko agar main een baaton mein busy kar loon.... Tou shayad sab theek hou jaaye?...."

2 Days Later...

2din beet jaate hain, aur Drishti ki shaadi Prashant se hou jaati hai.

Piya Drishti ke shaadi ko lekar aur bhi udaas thi, kyunki bidaai ke waqt Drishti Piya se ekbaar bhi nahi milna chahti thi. Drishti Piya se bahut naaraz thi.

Piya din-bhar apne room mein akele rehna pasand karti thi. Woh Drishti ke shaadi ke kuch din pehle hue oos se bure-bartaav ke wajah se bahut udaas thi, jiske liye Piya khudko zimmedaar maanti thi.

Tabhi wahaan room mein Naina aati hai.

Naina: "dii iam sorry maine apko disturb kia magar mujhe mere emails check karne thhey...."

Naina laptop on karti hai aur internet par apne emails check kar rahi houti hai. Naina apne emails check karne ke baad Piya se poochti hai:-

Naina: "tou bataiye dii, aapne newly join kiya tha oos site ko..... Kya aapke koi friends baney???"

Piya: "Naina dekh, mera mood bahut kharab hai..... Mujhe tum akela chorr do...... Please!"

Naina: "okay okay...." (Silent tone mein kehte hue)

Naina: ( mann mein sochte hue ) "Kyun na Piya-dii ka account ekbaar check kia jaaye..... Hmmmm...."

_____

Pyaar Ke Pehle Nazar Ko Salaam

Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam