Pyaar Ke Pehle Nazar Ko Salaam

**diipendu** · by **diipendu** on 1/6/2009, 2:48 am

First topic message reminder :

Pyaar Ke Pehle Nazar Ko Salaam [size=25]| Mon-Fri[/size]

One of the most classic eternal tale of 'arnab and piya'. Two diffrent souls, diffrent thinkers. Piya living in her black&white world and she believes that love is meaningless and doesn't exist. But Arnab can spread happiness everywhere, with his charm and his full of life nature. Story will journey through every critical and difficult times. Will arnab be able to bring colours of love and happiness in piya's life? Or their fate has written somthing else for them?...
___________

CAST:

Hiten Tejwani as Arnab Basu
Gauri Pradhan Tejwani as Piya Rai

Rest other characters are co-incidential and imaginative.

__________

Credit:

Concept - Diipendu Dutta

Produced and Story direction By - Diipendu Dutta

Pictures By - S-Creations

Lyrics By - Diipendu Dutta

Arts By - Diipendu Dutta

Creative Head - Diipendu Dutta

Production Group - S-Creation Productions

___

__________________

**aanchal** · by **aanchal** on 5/8/2009, 3:05 pm

agree wid gayathri. very well written episode clap

surbhi arora · by surbhi arora on 5/8/2009, 5:51 pm

nice story.

**virgosaumya** · by **virgosaumya** on 5/8/2009, 9:14 pm

good script and samunder ki pic jo dikhai that good

**diipendu** · by **diipendu** on 7/8/2009, 11:49 pm

Episode 2

Piya yeh soonkar ke oski behen ka rishta tyeh hou gaya hai, woh jaldi se drishti se milne oske room mein jaati hai.

[size=16]Udhar Drishti kisi ke khyaalon mein thi, magar oske aankhon mein aasu bhi thhey. Woh kisi ko bahut yaad kar rahi thi. Tabhi Piya wahaan aati hai-[/size]

"Tou meri behena ke liye ek rishta aya hai!........."

Drishti jaldi se apne aasuon ko pouch leti hai.

Piya bahut khush thii apni behen ke liye. Woh jaldi se Drishti ke paas aati hai, magar Drishti ke aankhon ke woh aasu zyada der tak Piya se chhup nahi paate hain. Piya yeh dekhkar jab Drishti se poochti hai ke oske aankhein nam kyun hai? Kya woh rou rahi thi..... Tab Drishti baat ko taal deti hai.

Drishti ki sagaai tyeh hou jaati hai.

=========

Raat hou jaati hai.

Aajkal bahut powercuts hou rahey hain, esi wajah se raat ko piya ke ghar ke lights bhi chaley jaate hain. Poore ghar mein andhera hou jata hai.

Dinner ke baad, raat ko soune se pehle Naani, Drishti Naina aur Piya se milne onke room mein aati hai.

Naani: arre main tou bataana bhool hi gayi! Kal subah ko mujhe mandir mein pooja karne ke liye kuch phoolon ki zaroorat padegi, esiliye tum teeno kal subah jaldi se uthkar mere liye woh paas waale bagaan(garden) se kuch phool tourr kar ley ana...

Drishti-Naina: jee naani...

Naani dekhti hai ke itney raat tak [size=16]Piya abhi bhi padhaai kar rahi thi. Room mein bahut andhere ke wajah se Piya lantern(emergency lights) mein kuch padhh rahi thi(study kar rahi thi).[/size]

Naani: arre piya, bahut raat hou gayi hai ab sou jaao..... Yeh abhi koi padhai karne ka waqt hai.

Piya: naani, mujhe bas aur thoda 10min. lagega---

(Tabhi Naina bolti hai-)

Naina: naani, ab apko tou pata hii hai ke piya ke best friends uske books hain. Ab aise mein agar raat se subah bhi hou jaaye, tou bhi woh piya ke liye kam hain.

{Drishti Naina ko chup houne ke liye ishara karke osey mana karti hai.}

Naani: achha achha, magar tum jaldi se sou jaana.

---

__________________

**diipendu** · by **diipendu** on 7/8/2009, 11:52 pm

Episode 3

AGLE DIN

Piya aur Drishti subah 5am baje jaldi se uthh jaate hain. Piya bahut koshish karti hai ke Naina bhi jaldi se uthey magar... [size=16]Naina har baar 5min. ka bahaana dekar phir se sou jaati hai. Tab piya ne ek raasta nikala aur Naina ke upar 1 bottle thanda paani daal diya.[/size]

Naina tapaak se aise uthi jaise woh paani mein dubbtey hue reh gayi.

Drishti aur Piya yeh dekhkar zorr-zorr se thaake lagaakar hass rahey thhey. Phir jaise-taise Drishti, Naina aur Piya, Naani ke kehne ke mutabik ghar se phool toudne ke liye baagaan(garden) ke taraf nikley.

Halki-Halki baarish jaisa kuch hou raha tha, magar phir bhi teeno behene baagaan(garden) mein pahuchkar wahaan se phool chun rahi thi.

Achaanak Drishti ko ek aisa phool(flower) milta hai jisey dekhkar osey kuch yaad ajata hai. Dusre taraf Piya ek book saath laayi thi jisey woh ek payr(tree) ke neechey beithkar padd rahi thi. Padtey hue osne dekha ke doorr Drishti khare ek phool ko dekh kuch soch rahi thi. Aur tabhi oske aankhein bhi namm hou gayye.

Drishti ke aankhon mein aasu dekh Piya wahaan aakar Drishti se osne poocha-

Piya: kya hua drishti? Tum rou rahi hou?.....

Drishti: arre nahi piya. Woh itani halki-halki baarish ki boondein mere aankhon par aagiri, yeh wahi hai.

Piya: achha? Tou tum ees phool ko dekh kis soch mein kho gayi thi?

Piya: akhir aisi kaun si baat hai, jisey sochkar tumhare aankhein aksar nam hou jaati hain?

Piya Drishti se sab kuch sach-sach kehne ke liye kehte hue os se kasam leti hue-

Piya: tumhe meri kasam, mujhe sab sach-sach batao... Kya tum apni choti behen ko abhi bhi kuch bhi nahi batana chahti???

Drishti yeh tyeh karti hai ke woh Piya ko sab sach batayegi.

Drishti: Piya..... Main yeh shaadi nahi karna chahti..........

Piyayeh soonkar dung reh jaati hai.

__________________

**gayathri087** · by **gayathri087** on 8/8/2009, 12:43 am

piya akir uski behen ki madat karegi ? karna chahiye agar ladka acha hua toh

**aanchal** · by **aanchal** on 8/8/2009, 1:21 pm

very nice presentation diipendu. i hope piya drishti ki help kare

**diipendu** · by **diipendu** on 10/8/2009, 10:39 pm

Episode 4

Drishti: Piya..... Main yeh shaadi nahi karna chahti..........

Piya yeh soonkar dung reh jaati hai.

Piya: kya?.... Magar kyun behena? Akhir iski kaun si wajah hai?

Drishti: kyunki..... Kyunki main kisi aur se pyaar karti hoon.

Piya: ohh behena!................... pyaar???

Piya: tumhe pata bhi hai tum kya bol rahi hou??? Abhi tumhari sagaai tyeh hou chuki hai, aur ab esi hafte tumhari shaadi bhi hai.....

Piya: behena, tum aise hi kisi se pyaar kaise kar sakti hou???

Drishti: pyaar kiya nahi jaata hai piya, woh tou bas..... Hou jaata hai.....

Piya: magar tum yeh kaise keh sakti hou ke woh ladka bhi tumse utana hi pyaar karta houga? Aur tou aur, kya woh himmat se saamne aakar, sabke saamne kaku se tumhara haath mangega?

Drishti: haan piya. Magar ghar mein kisi ko hum kaise yeh samjhayenge???

Piya: nahi behena! Tumhe oos ladke ko bhoolna hoga, aur ees shaadi ko karna hoga.

( Ees se pehle Drishti Piya ko samjhaati, Piya Drishti se Vaada maangte hue kehti hai- )

Piya: tumhe mujhse vaada karna hoga behena...... Tum oos ladke ko bhoolkar, ees shaadi ko karogi....

Piya yeh kehkar wahaan se chali jaati hai.

------------

Piya, Drishti aur Naina wahaan se ghar ke liye nikal jaate hain. Raaste se woh teeno chalte hue, paydel ghar jaa rahey houte hain. Piya mann mein, Drishti ke baaton ko lekar soch rahi thi.

Drishti ko piya se kiya hua vaada yaad araha tha. Drishti ek uljhan mein thi ke woh kaise piya ko ees baat ke liye raazi karey ke "yeh baat drishti ke haathon mein nahi hai ke woh oos ladke ko bhool jaaye jisey drishti pasand karti hai."

Piya: ( mann mein sochte hue ) akhir behna aisa kaise kar sakti hai.... Abhi oske shaadi ko houne mein bas kuch hi din baaki hain, aur woh abhi tak oos ladke ko bhula nahi paayi hai???

>>>>>>>

Drishti: ( mann mein sochte hue ) piya se kuch bhi kehna, kuch bhi samjhana bekaar hai! Maine kyun kham-kha piya ko woh baatein batayi??? Ab agar kahin piya ghar mein kisi se kuch keh degi?.......... Nahi! Mujhe piya se baat karni hogi....

__________________

**diipendu** · by **diipendu** on 10/8/2009, 10:56 pm

Episode 4---Continues---

Piya: ( mann mein sochte hue ) akhir behna aisa kaise kar sakti hai.... Abhi oske shaadi ko houne mein bas kuch hi din baaki hain, aur woh abhi tak oos ladke ko bhula nahi paayi hai???

>>>>>>>

Drishti: ( mann mein sochte hue ) piya se kuch bhi kehna, kuch bhi samjhana bekaar hai! Maine kyun kham-kha piya ko woh baatein batayi??? Ab agar kahin piya ghar mein kisi se kuch keh degi?.......... Nahi! Mujhe piya se baat karni hogi....

Ghar pahuchne ke baad-

Ghar mein Drishti ke shaadi ke rasmon kii tyaari chal rahi houti hai. Aise mein Naina jaldi se ghar mein sabko help karne mein lagg jaati hai. Drishti pareshaan thi ke kahin Piya ghar mein sabse kuch keh na dey.

Piya ke ghar pahuchte hii sabse pehle kaku aur kaki aakar piya ko ghar mein chal rahey tyaari mein kuch kaam dete hain.

Piya: kaku, kaki..... Mujhe aapse kuch zaroori baat karni thi....

Drishti yeh dekhkar aur bhi zyada pareshaan hou jaati hai.

Piya, kaku aur kaki ko akele mein baat karne ke liye door ley jaati hai jahaan se Drishti ko kuch pata nahi chal paa raha tha ke akhir piya, kaku aur kaki ko aisa kya bata rahi hai...

>>>>>>>>>

Piya, kaku aur kaki se baat kar rahi thi tou edhar drishti [size=21]bahut pareshan thi. [/size]

Piya, kaku aur kaki ke baat khatam houte hii, piya apne room mein chali jaati hai. Edhar pareshaan drishti, jaldi se Piya ke room mein oos se poochne ke liye jaati hai-

Drishti: piya??? .....

Piya: nahi behna.... Maine kaku aur kaki ko kuch bhi nahi bataya....

Piya: kam se kam tab tak tou nahi..... Jab tak kuch pareshaani waali baat na hou...

Drishti: piya, mujhe khushi hui ke aakhir tumhe samajh agaya ke kisi se pyaar karke oos pyaar ko bhulana, itana aasaan nahi hai...............

Piya: nahi behna! Maine ghar mein sachhai ko chhupaya, kyunki ees se ghar mein tanaav hou sakta tha. Tum agar kaku-kaki ke chehre par woh khushi ko dekhogi, tou tumhe khud yakeen hou jayega ke woh tumhare liye kitne khush hain..... Ghar mein sabka vishwaas tumhi se hai, aur tumhare ees ek such ko aaj agar main sabke saamne ley aati tou.... Shayad sabke chehre par tumhare shaadi ko lekar jo sapne, jo armaan hain... Jo khushi hai... Woh khatam hou jaati.

Piya: aur sabke armaano ko, oon khushiyon ko chhin kar main sabki gunhegaar nahi banna chahti thi.

Drishti ko yeh soonkar Piya par bahut gussa ata hai.

Drishti: piya kya tumne kabhi bhi apne nazar ko ek taraf rakhkar, kabhi apne dil ki awaaz bhi suni hai??? Kya kehta hai tumhara dil tumse kya woh jaana hai???

__________________

**diipendu** · by **diipendu** on 13/8/2009, 1:02 am

**gayathri087** · by **gayathri087** on 13/8/2009, 2:11 am

wow ,,,,,,, superb going ,,,,, aakhir piya apni behen ko support karegi yaa parivaar ke taraf ,,,

**diipendu** · by **diipendu** on 13/8/2009, 3:03 am

Episode 5

Drishti: piya, mujhe khushi hui ke aakhir tumhe samajh agaya ke kisi se pyaar karke oos pyaar ko bhulana, itana aasaan nahi hai...............

Piya: nahi behna! Maine ghar mein sachhai ko chhupaya, kyunki ees se ghar mein tanaav hou sakta tha. Tum agar kaku-kaki ke chehre par woh khushi ko dekhogi, tou tumhe khud yakeen hou jayega ke woh tumhare liye kitne khush hain..... Ghar mein sabka vishwaas tumhi se hai, aur tumhare ees ek such ko aaj agar main sabke saamne ley aati tou.... Shayad sabke chehre par tumhare shaadi ko lekar jo sapne, jo armaan hain... Jo khushi hai... Woh khatam hou jaati.

Piya: aur sabke armaano ko, oon khushiyon ko chhin kar main sabki gunhegaar nahi banna chahti thi.

Drishti ko yeh soonkar Piya par bahut gussa ata hai.

Drishti: piya kya tumne kabhi bhi apne nazar ko ek taraf rakhkar, kabhi apne dil ki awaaz bhi suni hai??? Kya kehta hai tumhara dil tumse kya woh jaana hai???

Drishti: baat tou tum pariwaar ki khushiyon ke baare mein kar rahi hou, magar dekha jaaye tou yeh sab tumhare liye sirf ek baahana hai! Apni aankhein bandd karke, dusron ke nazariye se jeene ki tumhe aadat hai!

Drishti: kabhi apni aankhon ko kholkar, apni nazar se duniya ko dekhogi toh tab pata chalega ke har chiz ka ek hi matlab nahi hota hai!

Drishti: pyaar.... Tumhe yeh lagta hai ke pyaar jaisa shabd sirf ek dikhava hai jo ki sirf kitaabon mein hii houte hain. Kitabi baatein hain! Magar jab kisi se sachhe dil se pyaar karo toh tab pata chalta hai ke yeh hai kya...

Piya: drishti tum phir se wahi baaton ko lekar beith gayi hou! Tumne mujhse jo vaada kia hai...

Drishti: mujhe apna vaada yaad hai!

Piya: tou kyun kar rahi hou aise fizool baatein??? Mujhe nahi jaanna hai ke pyaar hota kya hai!

Piya wahaan se jaane lagti hai tabhi Drishti Piya ko roukti hai. Drishti Piya ko samjhate hue oos se kehti hai-

Drishti: piya, tuney mujhse vaada tou maan lia hai.... Magar osey nibha paana mere liye bahut hi mushkil hai yeh mujhe pata hai.... Lekin tujhe tou meri baaton par bilkul bhi bharosa nahi hai???

Piya: aisi baat nahi hai drishti....

Drishti: tou aur kya baat hou sakti hai??? Baat sirf itani si hai, ke mere liye nitin ko bhula paana namukin hai...

Piya: nitin?.........

__________________

**diipendu** · by **diipendu** on 13/8/2009, 3:05 am

Episode 5---Continues---

Piya: nitin?.........

Drishti: haan nitin.... Wahi, jis se maine kabhi pyaar kia tha...

Piya: drishti mujhe ek baat samajh mein nahi aati hai... Ke agar tumdono ekdusre se vaakaye mein itana hi pyaar karte ho.... Tou woh tumse ekbaar bhi milne nahi aya, yeh jaante hue bhi ke... tumhari shaadi hou rahi hai???

Drishti: haan.... Kyunki maine osey mere sagaai waale din hii milkar osey yeh keh dia..... Ke abse humdono ke raaste alag hain.... Kyunki ab meri shaadi houne waali hai...

Piya: kaash agar tumdono ees sagaai se pehle miley houte.... Tou aaj yeh nobat nahi aati... Ya phir main kahun, ke kaash agar tumdono kabhi miley hii na hotey, tou aaj tumhare aankhon mein yeh aasu nahi houte.

Drishti: sahi kaha tumne piya.... Magar pyaar agar waqt ka mohtaaj hota, toh shaayad koi bhi pyaar karne wala kabhi ekdusre se haalat ke chalte bechhar nahi jaata...

Drishti: pyaar toh woh thandi hawa ka jhoka hai, jisey ijazat ki zaroorat nahi padti, kyunki woh khud-bakhud aapko chhukar guzar jaata hai.... Aur piya jis din tumhe pyaar hoga, oos din tumhe bhi yeh maaloom nahi chalega ke, kab aur kaise pyaar ke nazar ne tumhe salaam keh dia.... Jab tumhe pyaar hoga, tab tumhe yeh maloom ho jayega ke espar khud ke dil ka bhi koi bas nahi chalta hai.....

Drishti: sahi kaha tumne piya.... Magar pyaar agar waqt ka mohtaaj hota, toh shaayad koi bhi pyaar karne wala kabhi ekdusre se haalat ke chalte bechhar nahi jaata...

Drishti: pyaar toh woh thandi hawa ka jhoka hai, jisey ijazat ki zaroorat nahi padti, kyunki woh khud-bakhud aapko chhukar guzar jaata hai.... Aur piya jis din tumhe pyaar hoga, oos din tumhe bhi yeh maaloom nahi chalega ke, kab aur kaise pyaar ke nazar ne tumhe salaam keh dia.... Jab tumhe pyaar hoga, tab tumhe yeh maloom ho jayega ke espar khud ke dil ka bhi koi bas nahi chalta hai.....

Piya: "Mujhe kabhi pyaar hoga hii nahi! Aur na-hii pyaar kabhi piya ko apne saamne jhukne par majboor kara payega...."
(Piya vishwaas ke saath kehte hue-)

Piya yeh kehkar wahaan se chali jaati hai. Piya ke jaate hii-

Drishti: yeh toh waqt hii batayega piya.....

__________________

**aanchal** · by **aanchal** on 13/8/2009, 1:48 pm

hmmmmmmm. nice episodes. ab arnab ki entry bhi kara do lol

**gayathri087** · by **gayathri087** on 13/8/2009, 9:11 pm

yes plss bring arnab nw in the story ,,,,

**diipendu** · by **diipendu** on 15/8/2009, 3:53 am

Pyaar Ke Pehle Nazar Ko Salaam

Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam

Re: Pyaar Ke Pehle Nazar Ko Salaam